Ancjemò scritis tai mûrs a poie di Alfredo Cospito in regjon. A son aparidis ancje in vie Trento, a Udin, sui mûrs esternis dal palaç indulà che a son i uficis dal Ministeri di Grazia e Giustizia.
Lis imagjinis, rilançadis vuê sui Social, in realtât a fasin riferiment al mot, di origjin anarchiche, fat ai 4 di Dicembar dal 2022, in ocasion di une udience dal procès devant de Cort di Turin.
Lis fuarcis dal ordin a son daûr a cirî di rimontâ al autôr che, ae epoche, al à vandalizât l’edifici. La Digos citadine e ten, in dut câs, sot control la situazion.
Scritis similis, solidariis ae bataie dal anarchic, di plui di cent dîs in siopar de fam cuintri il 41bis, a jerin aparidis intai dîs passâts ancje a Pordenon, a Sant Zorç di Noiâr e inte perifarie di Udin. (A.D.G.) – 03.02.2023
