Un migrant pakistan di 28 agns si è copât tal Cpr di Gardiscje, dulà che al jere rivât a pene di une altre regjon. Dopo a pene che une ore, aprofitant di un moment che al jere di bessôl, si è gjavât la vite. L’om al è stât cjatât cence vite dai compagns che a àn clamât daurman il personâl in servizi. Al è il secont suicidi tal Centri pai rimpatris di Gardiscje. Intal Dicembar dal 2021, un tunisin si jere gjavât la vite intant che al jere in isolament pal Covid.
“Al è dolôr profont – e conferme il sindic di Gardiscje, Linda Tomasinsig – par chest suicidi. Il Cpr al mostre dutis lis contradizions dal sisteme dal stratigniment in Italie. O contesti la esistence di cheste struture, un lûc dulà che lis cundizions de detenzion a puartin dispès ae disperazion”. (A.D.G.) – 02.09.2022
