Aquilee e jentrarà intun ‘cjamin culturâl’ european

Il Cjamin culturâl dai Sants Ciril e Metodi al fasarà tape a Aquilee. Il President de Fondazione Aquileia, Roberto Corciulo, e la diretore de Associazione del Cammino culturale dei Santi Cirillo e Metodio, Zuzana Vojtová, a àn firmât a Modrá, inte Republiche Ceche, il protocol di intese pe jentrade di Aquilee intal itinerari culturâl european che al passe i lûcs tocjâts dai Sants, patrons di Europe, dilunc de lôr opare di evangjelizazion. Chest al è il prin pas par jentrâ intal itinerari culturâl ricognossût intal 2021 dal Consei di Europe, ufrint ai pelegrins e ai turiscj un gnûf percors culturâl e di fede. La firme dal acuardi no à dome che un valôr spirituâl profont, ma e fisse la volontât di lavorâ in rêt e di scomençâ un percors di scambi e confront culturâl di nivel european pe valorizazion dal teritori. (A.I.) – 09.11.2022