Aquilee, la Basiliche e bute jù dutis lis barieris

La storiche basiliche patriarcjâl di Aquilee, sot tutele de Unesco dal 1998, e je cumò acessibile e fruibile a plen des personis cun diviersis disabilitâts, duncje ancje par chei che no viodin o a viodin pôc e par chei che no sintin o a sintin pôc. La spetacolâr pavimentazion dai mosaics paleocristians, plui di 760 metris cuadris, e pues jessi cumò “viodude” traviers il tast, in graciis dal panel inovatîf “Nodo di Salomone” dentri de Basiliche. La storie di chescj lûcs e pues jessi scoltade in graciis di vuidis specializadis che a cognossin il lengaç dai segns. In zonte, a son stadis gjavadis vie lis barieris architetonichis che a jerin di ostacul pes personis cun disabilitât motorie, par favorî l’acès intes diviersis areis de Basiliche, cumò pardabon “par ducj”. (A.I.) – 12.07.2023