Arestât marochin che al veve cirût di robâ intun supermarcjât

Al è stât arestât il marochin di 20 agns, ospit de ex caserme Cavarzerani di Udin, che îr intal dopomisdì, cuntun conazionâl al veve cirût di robâ mangjative intal supermarcjât Conad dal centri comerciâl Città Fiera di Martignà. L’om, acusât di rapine improprie, cuant che lu àn scuviert, al veve butât par tiere la robe in vendite e dopo al veve dât cuintri ai assegnâts ae sigurece.
Al è stât daurman puartât inte caserme dai carabinîrs di Martignà e daspò arestât. (a.d.g.) – 06.03.2024