Arestâts a Triest doi passeur cu lis machinis plenis di migrants curdis e afghans

Intal cors di doi diferents intervents pal contrast ae imigrazion clandestine, i agjents dal Comissariât di San Sabba a Triest a àn arestât doi passeur, responsabii di vê favorît la jentrade iregolâr sul teritori talian di 19 curdis migrants. Arestât ancje un altri passeur che al veve judat la jentrade di 15 forescj, tra chei cinc minôrs di nazionalitât afghane.
Tal prin câs, i migrants, provâts dal viaç e ducj impantanâts, a jerin di origjin curde. Tra di lôr nûf fruts, cualchidun cun disabilitât. E je stade prestade assistence imediade a ducj. (ADG) – 1.12.2022