Arestâts a Udin doi pakistans cjatâts cun doi chilos di hashish

Vie pe gnot i Carabinîrs dal Nucli Operatîf e Radiomobile di Udin a àn arestât in flagrance di reât doi oms di origjin pakistane, di 21 e 29 agns, residents regolarmentri intal teritori. I doi a jerin stâts fermâts par un control in Vie Dante, dentri di une Mercedes CLS320: notade la lôr agjitazion devant des domandis di rît, in considerazion ancje dai precedents di un di lôr, i militârs a àn decidût di fâ une percuisizion sul puest. La ricercje meticolose e je lade a pro cuant che i carabinîrs si son inacuarts dal odôr di hashish che al vignive dal abitacul de bande dal passizîr: disvidât e viert un portel daûr il puarterobis, i Carabinîrs a àn cjatat dentri 2 chilos di droghe dividûts in pagnuts, di là di 2.900 euros in contants, ritignûts jentrade de ativitât ilecite. Dut al è stât mitût sot secuestri. I doi oms a son stâts po puartâts inte preson di Udin, cemût che al è stât decidût de Procure, dopo altris aciertaments in caserme. (A.D.G.) – 17.02.2023