Arestâts doi zovins che a compravin droghe su Internet e le vendevin ai lôr coetanis

I carabinîrs de stazion di Polcenic a àn arestât un zovin di 23 agns e une zovine di 20, ducj i doi cun segnalazions precedentis leadis al consum e spaç di droghe, cu la acuse di detenzion e produzion di droghis.

I militârs, su deleghe de Procure de Republiche di Pordenon, a àn fat une percuisizion tal domicili dai doi a Davian, indulà che a son stâts cjatâts te cjamare di jet 221 grams di marihuana, 11 grams di hashish, un toc di cactus peruvian di 126 grams, 39 piçui foncs alucinogjens dal pês di doi grams ognidun. La percuisizion e je stade fate su la fonde di elements che a mostravin i doi come che promotôrs de ativitât di spaç di droghis, compradis su Internet, bande zovins de lôr etât. (a.d.g.) – 19.02.2025