Arestâts par droghe doi fradis a Prate di Pordenon

Doi fradis albanês, residents a Prate di Pordenon, a son stâts arestâts îr di sere de polizie. Inte lôr abitazion, i agjents de Scuadre mobil a àn cjatât 28 grams di cocaine, 50 grams di hashish, materiâl pal confezionament dai stupefacents e 4 mil e 500 euros vuadagnâts cul spaç de droghe.

Intai ultins dîs la polizie di Pordenon e à secuestrât in dut 60 grams di cocaine, 70 di marihuana e 50 di hashish. Cheste droghe, se vendude, e varès dât ai spaçadôrs 6 mil euros. (a.d.g.) – 14.02.2024