Art in corot pe muart di Enzo Valentinuz

Corot pal mont de art in Friûl. Sabide di matine al è muart intal so studi di Romans dal Lusinç l’artist Enzo Valentinuz, colât di une scjale dulà che al jere lât sù par picjâ un cuadri. Diplomât al Istitût di Art di Gurize, dopo vê frecuentât la Academie di Bielis arts di Vignesie, Valentinuz al fasè la sô prime mostre personâl intal 1968. Dopo jessi stât fer par agns, al veve ripiât la ativitât intal 2004, cun desenis di mostris no dome in regjon, ma ancje intes regjons e nazions dongje. La ultime esposizion e jere stade screade ai 24 di Març stâts in provincie di Trevîs. (A.I.) – 17.04.2023