Di lunis ai 27 di Fevrâr fin a vinars ai 17 di Març si tornarà a fâ la pavimentazion di bitum dai cuintriviâi Nord e Sud di viâl Vignesie, tal toc che al va di Plaçâl XXVI di Lui fin li che si cjape la tangjenziâl Ovest, e in sens contrari.
La variazion de viabilitât par vie di chescj lavôrs e larà daûr di chestis fasis operativis: fase 1, di lunis 27 di Fevrâr a miercus prin di Març des 8.30 aes 6 sot sere dilunc dal cuintriviâl Nord di Plaçâl XXVI di Lui ae taronde di vie Firenze; fase 2, di martars ai 28 di Fevrâr a joibe ai 2 Març, des 8.30 aes 6 sot sere dilunc dal cuintriviâl Nord de taronde di vie Firenze ae taronde di vie Birago; fase 3, di miercus prin di Març a vinars 3 des 8.30 aes 6 sot sere tal Cuintriviâl Nord de taronde di vie Gabelli fin li che si cjape la tangjenziâl Ovest; fase 4, vinars ai 3 di Març, lunis ai 6 e martars ai 7 des 8.30 aes 6 sot sere dilunc dal cuintriviâl Sud dal civic 442 fin ae taronde di vie Gabelli; fase 5: di lunis ai 6 a miercus ai 8 di Març des 8.30 aes 6 sot sere dilunc dal cuintriviâl Sud de taronde di vie Gabelli ae taronde di vie Mazzucato; fase 6, di martars ai 7 a joibe ai 9 di Març des 8.30 aes 6 sot sere sul cuintriviâl Sud de taronde di vie Mazzucato al Plaçâl XXVI di Lui.
Si podarà passâ par viâl Vignesie par dute la durade dal intervent. Si podarà acedi in mût regolâr ai marcjepîts sui cuintriviâi. Il servizi di traspuart public locâl nol varà nissune variazion. Dome tal câs di emergjence, il transit sui cuintriviâi al sarà permetût dome ai frontiscj e cul jutori di movîrs, in maniere compatibile cul lâ indenant dai lavôrs. Dopo de asfaltadure, sui cuintriviâi no si podarà passâ fin che cheste no si sedi disfredade dal dut (cirche un pâr di oris). Dulà che si previôt di deviâ o di sierâ il trafic, e vignarà metude la segnaletiche verticâl di pueste e, tai ponts plui critics, e sarà sigurade la presince di movîrs. La segnaletiche orizontâl e vignarà fate dentri de fin di Març, vie pal dì. Par plui informazions: https://s-comuni.regione.fvg.it/s/797EEC4642 . (A.D.G.) – 28.02.2023
