9
Elena Beni, Viola Coppi e Clara Reghellin, laureadis inte Universitât dal Friûl, a son lis vincidoris dal premi di lauree in memorie di Silvia Gobbato, la zovine avocat praticant copade a Udin tal 2013.
A Elena Beni, laureade tai 3 agns in Ostetricie, al è lât un premi di mil euros. Il premi di doi mil euros al è invezit lât aes laureadis magjistrâls Viola Coppi, in Traduzion e mediazion culturâl, e Clara Reghellin, in Siencis dal patrimoni audiovisîf e de educazion ai media.
A àn cjapât une menzon al merit pal lavôr fat Gloria Tomadini, laureade in Relazions publichis, e Federica Franzo, laureade in Siencis de formazion primarie. (a.d.g.) – 27.11.2024
