Une persone e je stade socorude cheste matine pôc prime des 7 pes feridis ripuartadis dopo di un incident stradâl capitât a Romans dal Lusinç, dilunc de ex provinciâl 6, intal trat che al cjape il non di viâl Triest, dilunc de diretorie che de frazion di Vierse e puarte a Migjee.
Par causis in cors di aciertament di bande des fuarcis dal ordin, il vuidadôr al à pierdût il control de veture e al è finît fûr strade.
I infermîrs de Sores a àn inviât daurman sul puest une machine di emergjence mediche, une ambulance e l’elisocors.
La persone e je stade assistude dal personâl sanitari e e je stade traspuartade in svol, in codiç zâl, al ospedâl Sante Marie de Misericordie di Udin.
Sul puest lis Vuardiis dal fûc cuntune scuadre de sede centrâl di Gurize che e à doprât fuarpiis e divaricadôr idraulics par taiâ i lamarins e tirâ fûr de machine il vuidadôr ferît, colaborant cul personâl sanitari. (A.D.G.) – 06.03.2023
