Tor lis dôs dopomisdì di vuê a Buie, une auto Jeep vuidade di une femine e je lade fûr strade, forsit par cause di un mâl de siore.
La auto, dopo vê cjapât i pichets de cente dal bar Zanzibar, subite dopo la crosere tra la strade Osovane e vie Vidisêt, e je lade drete passant dongje dal pâl de lûs, ma cjapant in plen il cordul de jentrade par dopo impenâsi e lâ a sbati cuintri di une cise.
Sul puest a son rivâts daurman i Vigjii dal fûc, i sanitaris dal 118 cuntune ambulance, l’elicotar e i agjents de Polizie locâl di Buie che a àn fat i rilêfs e gjestît il trafic che su cheste strade al è simpri cetant.
La siore e je stade puartade cul elicotar intal ospedâl di Udin. No son stâts cjapâts dentri intal bot altris machinis o personis. (a.d.g.) – 07.10.2024
