Auto intal fossâl a Brugnere

Dopo vê pierdût il control dal so mieç, un automobilist al è lât fûr strade cjatantsi cul cjâf injù. L’incident al è sucedût a misdì dilunc di vie Camol, a Brugnere, e al à causât il feriment dal om che si cjatave ae vuide de Lancia Ypsilon.

Dopo il capotament intal fossâl, il vuidadôr al è rivât a lâ fûr di bessôl dal veicul, ma al è stât dopo trasferît in ospedâl pes curis dal câs. Sul puest a son intervignûts i carabinîrs di Brugnere, i sanitaris dal 118 e lis Vuardiis dal Fûc di Pordenon. (A.D.G.) -10.05.2023