68
Un zovin egjizian di 26 agns, Ahmed Mahmoud Mohamed Abdelaty, che al vîf a Çarvignan, al è stât scurtissât la gnot passade dongje de discoteche Arya Club di Tavagnà, dilunc di une barufe tra doi grups di zovins forescj, cualchidun di lôr a jerin minôrs di etât.
Il zovin al è stât curât dai infermîrs e puartât daurman tal ospedâl di Udin, indulà che al è ricoverât in cundizions grivis.
Un altri fantat minôr di etât al è restât ferît. Su la fonde de ricostruzion fate de Polizie di Stât, la barufe e podarès jessi tacade dentri de discoteche par dopo lâ indenant fûr dal locâl.
Sul puest a son rivâts daurman i agjents de Scuadre mobile di Udin, che a àn identificât siet di lôr cjapâts dentri te lote. (a.d.g.) – 23.02.2025
