52
Si son pacâts par ben a Codroip e dome la rivade dai carabinîrs e à morestât la situazion. E je stade une serade pardabon movimentade che di îr in vie Pordenone, indulà che e je tacade une barufe tra vot citadins di nazionalitât pakistane e indiane cun etât tra i 25 e i 50 agns.
Dilunc de barufe un om al è stât ferît tal cuel. A son intervignûts i sanitaris dal 118 e l’om al è stât puartât tal ospedâl di S. Denêl.
I carabinîrs a son daûr a investigâ su ce che al vedi impiade la barufe e a àn identificât dutis lis personis presintis sul puest ancje par cjatâ cui che al à provocât dut chest. (a.d.g.) – 10.10.2024
