Basso sindic di Pordenon, Fasan a Monfalcon

A son cuatri i Comuns che a àn un gnûf sindic. A Pordenon al à vinçût Alessandro Basso, che al puartarà indenant une aministrazion vuidade prime di Alessandro Ciriani e, dopo la sô elezion tal Parlament European, di Alberto Parigi. Basso al à vinçût cun plui de metât dai vôts (par leç al bastave il 40%) e no covente une dispate. Compagn a Monfalcon, dulà che la za sindiche Anna Maria Cisint, ancje jê lade a Strasburc, e passe il testemoni a Luca Fasan, votât dal 71% de int lade a votâ. Gnûf sindic di Nimis, dopo il comissariament dal Comun, al è invezit Fabrizio Mattiuzza. A S. Canzian dal Lusinç a vinci e je stade Denise Zucco, cul 70 par cent dai vôts. (R.C.) – 15.04.2025