Blocât dai carabinîrs il delincuent che al veve violentât une femine a Pordenon

Une fantate foreste di 18 agns, vie pe gnot dai 9 di Jugn a Pordenon e je stade cjapade pai cjavei, pacade, violentade e ae fin ancje rapinade. La vitime dal brutâl atac e lavore tal centri de citât e e stave tornant a cjase cuant che e je stade blocade dal om.

Lis investigazion tacadis daurman dai carabinîrs a àn permetût di scuvierzi l’agressôr, un om colombian di 29 agns resident ancje lui a Pordenon, e blocâlu pôc prime che al rivàs a tornâ in Colombie.

Al è saltat fûr che il delincuent, cjapât îr dai carabinîrs sul puest di lavôr intune aziende dongje Udin, al veve spietât la vitime fûr dal locâl indulà che e lavore par dopo saltâi intor. (a.d.g) – 18.06.2024