Blocâts dai financîrs doi spaçadôrs a Pordenon

Doi citadins forescj a son stâts blocâts a Pordenon cu lis mans tal sac de Vuardie di finance intant che a spaçavin droghe; un tierç al è stât denunziât. I financîrs a àn ancje secuestrât 115 grams di hashish.

A jessi blocât al è stât par prin un pakistan cjatât intant che al spaçave 5 grams di droghe a un zovin par 5 euros. Blocât po dopo ancje un marochin che al veve a pene vendût un toc di 100 grams simpri di hashish a un grup di zovins sot dai 18 agns. Il spaçadôr, cuant che al à viodût i financîrs, al à cirût di butâ vie la droghe, ma nol è servît a nuie. (a.d.g.) – 12.06.2024