Blocâts i doi presumûts autôrs de rapine ae Friûlexpress

A son stâts blocâts vuê di buinore dai agjents de Polizie di Stât i doi presumûts autôrs de rapine fate ai 30 di Zenâr di chest an inte sede dal corîr Friulexpress di vie Nuova di Corva a Pordenon.

Si trate di doi oms di 55 e 65 agns, residents a Pordenon e a Padue che chel martars tal dopomisdì, tor des 6.20, a vevin menaçât, cu la muse cuvierte, doprant curtìs e pistole, la impleade de dite. A jerin lâts a colp sigûr puartant vie dôs casselutis di metal che dentri a jerin 20 mil euros, ven a stâi i bêçs dai clients che a vevin paiât in contrassegn. (a.d.g.) – 19.07.2024