Bombis a man incendiariis intal jet dal Judri

Al sarà interdet par resons di sigurece cun ordenance a pueste de bande dal Comun di Cormons l’acès al jet dal flum Judri inte zone tra la frazion di Breçan e l’abitât di Dolegne. La decision e rive dopo il rinvigniment, inte zornade di martars ai 18 di Avrîl, di une setantine di bombis a man al fosfar che a rimontin ae Grande Vuere, saltadis fûr dopo de ultime plene dal torint. Une desene di bombis si son impiadis cence consecuencis une volte a contat cul aiar za prin de rivade, dopomisdì di îr, dai oms dal Gjeni Vuastadôrs di Udin, che a àn proviodût a meti in sigurece i ordegns dopo rinvignûts intal cors de bonifiche. Tornade a vierzi intant la ex strade provinciâl dongje dal cors di aghe che îr, propit par vie de situazion di pericul, e jere restade sierade par buine part de zornade. (A.D.G.) – 19.04.2023