Borghese cheste volte al sielç i ristorants di Gurize

Dopo i apontaments a Triest, intes zonis viniculis dal Cuei e dai Cuei Orientâi, in Cjargne, a Grau e a Udin, cun cjistiei e cjasis storichis, “Alessandro Borghese – 4 ristoranti” al torne in Friûl-Vignesie Julie ae scuvierte, cheste volte, dai miôr ambients de zone di Gurize. L’innomenât program dedicât ae ristorazion e ae buine mangjative al impie i rifletôrs su la capitâl gurizane. Lis ripresis a son scomençadis cul supuart di PromoTurismo Fvg. E je la seste pontade dedicade al Friûl-Vignesie Julie di un program – prodot di Sky Original – che di un an in chel altri al è deventât un cult de television taliane. (A.I.) – 07.11.2023