Brut incident tra dôs autos a Pasian di Pordenon

Incident cun consecuencis gravis îr sot sere a Pasian di Pordenon. Dôs autos si son dadis cuintri in vie Codopè: une Fiat Punto vuidade di un om di Pasian e une Seat Ibiza vuidade di un pordenonês.

La persone che e viazave cun lui e je restade incjastrade dentri de auto. I pompîrs rivâts daurman a àn scugnût doprâ lis cisoris pneumatichis par rivâ a tirâle fûr.

I ferîts curâts dal personâl sanitari a son stâts puartâts in cundizions gravis tal ospedâl di Pordenon. (a.d.g.) – 04.04.24