Plui di 500 clamadis aes Vuardiis dal fûc, un condomini distaponât a Tor di Zuin, une fuide di gas a S. Zorç di Noiâr, lavinis, arbui colâts e interuzions di corint un pôc dapardut, un muart par incident stradâl – a Strassolt di Çarvignan – dilunc di un moment delicât dal brut timp. La perturbazion – che e jere stade anunziade cun precision e si è presentade cun saetis, ploie e aiar fuart – e à fat dams cuasi in dut il Friûl-Vignesie Julie vie pe gnot tra miercus e joibe. Tra la 1.30 e lis 2, une sorte di bissebove e à passât il teritori, causant dams un pôc dapardut: inte fasse da pît des monts di Pordenon, te Basse, intal Friûl culinâr, intes Vals dal Nadison, a Gurize… La alerte meteo e reste fint ae miezegnot di vuê. (A.I.) – 13.07.2023
137
