49
Frêt e tante ploie in dut il Friûl-Vignesie Julie tacant di doman, ancje se lis primis ploiis a rivaran za vie pe gnot. Intai prossims doi dîs al è previodût un câl fuart des temperaduris cu la nêf che e torne parsore dai 1.000-1.500 metris su Alps e zone culinâr.
La prime cerce doman, joibe ai 12 di Setembar, cuant che al rivarà ju’ dal Nord Europe il front frêt, cun aiaron fuart dal Sud che al podarès puartâ burascje su la cueste.
Lis previsions dal timp a àn sburtât la Protezion civîl a mandâ fûr une alerte zale des 8 di sere di vuê aes 6 sore sere di vinars ai 13 di Setembar. Il brut timp al podarès puartâ problemis ae rêt idrografiche, cun slacs e inagaments. (a.d.g.) – 11.09.2024
