168
09/05/2022 – Dôs butiliis incendiariis a son stadis butadis cuintri la sede di Cas’Aupa, in vie Val d’Aupa, a Udin di gnot tra i 8 e i 9 di Mai. L’at vandalic e intimidatori al sarès sucedût vie pe gnot, ma la scuvierte dai dams e rimonte ae matine dal 9 di Mai.
Intal stabil a àn sede la associazion zovine di promozion sociâl Get Up, il grup teatrâl Ccft, Arcigay Friûl e Arci Comitât Teritoriâl Udin. In particolâr, la sale riunions di chest ultin sodalizi al à patît i dams principâi, cun mûrs scurîts e un veri rot.
Sul puest i Vigjii dal fûc e i Carabinîrs dal comant provinciâl, che a son daûr a cirî di cjatâ i autôrs dal fat. Adg
