Un fûc al à distrut, intal prin dopomisdì, la cabie eletriche di E-distribuzione, che si cjate intal complès de facoltât di Economie de Universitât di Udin, in vie Tomadini. Lis flamis a son stadis studadis in graciis dal intervent svelt des Vuardiis dal fûc dal Comant provinciâl: nissune persone e je restade feride.
Lis causis dal fugaron a son ancjemò di scuvierzi. Impuartants i discomuts. La cabie, di fat, e jere al servizi dal ateneu – i uficis a son stâts sierâts e evacuâts za intai prins moments de emergjence – e di plui o mancul 200 fameis de zone, restadis cence corint. A cetant che si sâ i grups eletrogjens sostitutîfs, che a garantiran la energjie, a jentraran in azion cheste sere. A son stâts inviâts servizis di aiût par cui che si cjate in cjase cence nissune pussibilitât di riscjaldament. (A.D.G.) – 31.01.2023
