Camion des scovacis cuintri di un furgon, un ferît grâf

Incident pardabon brut vuê tor misdì e mieç cuant che a Sante Marie la Lungje, des bandis di S. Scjefin dilunc de strade regjonâl 352, si son dâts cuintri un furgon e un camion des scovacis. Il bot al è stât une vore fuart e l’om che al vuidave il camion al è restât blocât dentri de cabine.

I pompîrs rivâts daurman a àn lavorât no pôc par tirâlu fûr e daspò i infermîrs dal 118 lu àn cjariât sul elicotar, che lu à puartât in cundizions griviis tal ospedâl di Triest.

L’om che al vuidave il furgon invezit si è rot un braç. (a.d.g.) – 16.07.2024