La comunitât di Cicunins di Feagne e je a corot dopo la sparizion improvise di Mattia Miano, muart vie pe gnot dopo jessi stât colpît di un mâl improvîs.
A cjatâ cence vite in cjase il zovin, che al veve dome 25 agns, al è stât il pari inte matinade di martars ai 12 di Dicembar. Impleât ae Simeon Srl di Feagne, il zovin cheste matine no si jere presentât al lavôr e il fat al veve metût in suspiet un coleghe, che duncje al à alertât i gjenitôrs e intun lu àn cjatât distirât sul jet. Daurman a son stâts clamâts i socors, ma magari cussì no par lui nol jere plui nuie di fâ.
Mattia al jere une des bandieris de scuadre dal Sant Denêl, tant che la domenie passade al veve di gnûf metût la fasse di cjapitani. Il Sant Denêl al à fat savê che, in segn di corot, nol zuiarà il turni prossim di campionât. (a.d.g.) – 13.12.2023
