63
Un cjaçadôr al è stât cjatât muart îr tal dopomisdì inte Val Resie a mil metris di cuote inte localitât Jama, pôc lontan di cierts stalis. Si trate di Fabrizio Di Lenardo, di 65 agns, origjinari de Val ma che al viveve a Udin.
Il so cuarp al è stât viodût di cualchi escursionist che al à daurman clamât il numar di emergjence 112.
Sul puest a son rivâts i tecnics dal Socors alpin di Mueç che a àn cjatât il puar om ancjemò cu la sô sclope dongje. Sul puest ancje l’elisocors regjonâl e la Vuardie di finance par puartâ vie il cadavar. (a.d.g.) – 23.08.2024
