Controi in doi supermarcjâts di Pordenon e Davian, bloc imediât des venditis e inviament di un plan par controlâ dute la filiere, dal produtôr fintremai al distributôr finâl.
Daspò de gnove – anticipade vuê da Il Gazzettino – de cjatade dal cjâf di une surîs dentri di un sac di verdure conzelade, comprât intun supermarcjât dal Friûl Ocidentâl, il Dipartiment di prevenzion de Asfo si daurman inviât. La segnalazion e jere partide di Maria Grazia Ragusa, 47 agns di Budoie, che domenie e veve vude la brute sorprese.
I tecnics de Aziende sanitarie a àn fat vuê di matine i sorelûcs intes dôs buteghis. La femine di fat e veve comprade la verdure – spinaze e blede – in dôs buteghis diferentis e no veve fat câs, cuant che e stave par meti a bulî, di cuâl sac che al jere saltât fûr il toc di surîs. (a.d.g.) – 19.02.2025
