Cjapade a Pordenon la ‘ bande dal picon’ che e colpive lis buteghis dai comerciants cinês

Sabide ai 10 di Setembar, i agjents de Squadra Mobile de Cuesture di Pordenon a àn fermât, su ordin dal Procuradôr cjâf Raffaele Tito, trê citadins rumens, di 43, 41 e 40 agns, ducj cun precedents specifics, indiziâts in maniere serie di vê fat siet robariis ingriviadis viers di ancjetancj esercizis comerciâl dal Friûl Ocidentâl tra Zenâr e Mai 2022.

Lis investigazions a jerin tacadis ai 25 di Fevrâr dopo de denunzie presentade dal titulâr de buteghe Gimme Five di viâl Aquilee, a Pordenon. A tradî i malvivents a son stâts ancje cierts videos mitûts sui Sociâl dulà che il trê, no savent di jessi monitorâts dai agjents de Squadra Mobile, a mostravin la marcjanzie robade. (ADG) – 19.09.2022