I agjents de Scuadre mobile di Udin a àn blocât miercus un om e une femine acusâts di vê robât il tacuin dal gjestôr di un distributôr e daspò di vê provât a robâ dentri di une cjase, tal Lui passât.
I doi, ai 4 di Lui, a vevin puartât vie il tacuin cun dentri 1.160 euros dentri dal ufici dal distributôr intant che il gjestôr al jere distrat. La Polizie ju veve fermâts pôc dopo adun cuntune altre femine imparintade cul om e i agjents a vevin cjatât in dut 2.805 euros platâts.
Lis investigazions a àn dopo dimostrât che une des feminis e veve ancje cirût di robâ intune cjase indulà che e vîf une siore intimpade, ma e jere stade disturbade de rivade de gnece de siore. Pai doi il Public ministeri al veve domandât la custodie cautelâr in preson. (a.d.g.) – 06.09.2024
