Cjatade cence vite la femine sparide îr a Vile di Cjargne

Inte matine sul tart di vuê lis Vuardiis dal fûc a àn cjatât cence vite Giannina Talotti, la anziane di 81 agns (e varès fat 82 agns ai 20 di Dicembar) sparide di Vile di Cjargne.

Îr, tor de 1.30 dopogustât, la femine e jere lade fûr de cjase dulà che e jere a vivi, in vie Battisti, par lâ a pît in vie della Ferrovia, dulà che e veve une altre abitazion, ma e je sbrissade intant che e leve sù pes scjalis. La cjadude e je stade fatâl.

A dâ l’alarme e jere stade la fie che, dopo vêle clamade plui voltis al telefon cence vê rispueste, e je lade a cjase sô ma no veve cjatade la mari.