E je stade cjatade di doi volontaris de associazion ‘Sos metal detector nazionale’ la vere di matrimoni di Alessio Ghersi, il pilote des Frecce Tricolori muart in maniere tragjiche intune cuntun parint intal incident aeri sucedût ai 29 di Avrîl stâts inte Alte Val Tor.
A contatâ la associazion par tentâ l’impussibil a jerin stâts i stes familiârs dal cjapitani de aeronautiche, maridât e pari di doi fîs. Il recupar, di fat, nol jere par nuie scontât viodût che la zone dal incident si presentave plene di une cuantitât impuartante di piçulis fusions metalichis che si son creadis dopo de esplosion dal velivul e dal fûc sucessîf.
Cence mai rindisi, cuant che la ricercje e someave destinade a falî, al somee che une pavee e vedi segnât ai doi volontaris intervignûts, Luca Loprete e Massimo Gardin, la zone di ispezionâ cui lôr metal detector. Propit suntun pont là che il lepidotar si jere poiât, i doi a àn cjatât un frament metalic strani, ae aparence no tant diferent dai tancj presints.
Il dì dopo, chê fusion particolâr e je stade fate ispezionâ di un oresin che, cuntune pulizie a ultrasuns, al à fat tornâ a emerzi la fede dal cjapitani Ghersi, riconsegnade ae vedue tra comozion e incredulitât.
Une esperience e une cjatade ecezionâl ancje pal president de associazion. “La emozion provade in graciis di cheste restituzion – al à afermât Luciano Diletti -, mi restarà cuside intor e le puartarai intal cûr par dute la vite”. (A.D.G.) – 29.06.2023
