34
Une femine sparide vuê di matine a Pordenon e je stade cjatade vive, ancje se in cundizions di ipotermie. L’alarme al è stât dât tor lis 11 e mieze di matine, dongje vie Levade, dongje dal flum Midune, indulà che e je tacade une grande operazion di socors che e à cjapât dentri scuadris a tiere, il nucli cinofil e ancje l’elicotar rivât di Vignesie cuntune scuadre di subacuis e drons.
Al è stât propit in gracie dal elicotar che il cuarp de femine al è stât viodût su la rive dal flum. Une scuadre di subacuis e je stade molade ju’ dal elicotar su la rive.
La femine, plene di frêt ma ancjemò cussiente, dopo lis primis curis e je stade puartade cul elicotar intune aree indulà che a spietâle a jerin i sanitaris. (a.d.g.) – 07.10.2024
