31
Al è stât cjatât îr di sere l’om di 68 agns di Purcie che si jere pierdût intant che al cirive foncs. L’om, che al sta ben, si jere parât intun ripâr dopo jessi lât de bande sbaliade parsore di Claut.
Invezit che lâ de bande che il soreli al va a mont, ven a stâi bande dal parc de sô auto, al jere lât bande soreli jevât fintremai cuant che al è vignût scûr e al à cjatât un ripâr.
Propit une lûs impiade dentri dal ripâr e à judât i socoridôrs dal Socors alpin de stazion dal Cjanâl da la Ciline a cjatâlu, par dopo puartâlu a Claut, indulà che a spietâlu e jere la sô famee. (a.d.g.) – 24.10.2024
