23
Al è stât cjatât muart dopo dôs oris di ricercjis, dai volontaris dal Socors alpin, Dino Di Bernardo, il pensionât di Mueç jessût di cjase îr di buinore par lâ a fâ lens tal bosc.
L’alarme al jere stât dât îr dopomisdì di un cjaçadôr che tornant indaûr al veve viodude l’auto dal paisan parcade intun splaç inte stesse posizion di cuant che le veve viodude a buinore, tant che la famee e veve tacât a jessi in pinsîr.
Il cuarp dal om di 79 agns al è stât cjatât a mîl metris di cuote dome tor de miezegnot, in graciis dal jutori dât di un cjaçadôr che al cognosseve ben i costums di Di Bernardo e ancje in graciis dal sun dal telefonin che il puar om al veve intor. (a.d.g.) – 22.08.2024
