Cocaine e contants platâts inte stue a pellet a Cordenons

Une femine di origjin sudamericane e je stade arestade a Cordenons dopo che i agjents de scuadre mobil a àn cjatât inte sô abitazion grandis cuantitâts di droghe. In precedence i agjents a vevin arestât a Pordenon un spaçadôr senegalês intant che al vendeve une dose di cocaine. Lis investigazions a vevin scuviert che l’om si jere furnît di droghe intune abitazion di Cordenons. La percuisizion e à permetût di cjatâ 14 dosis prontis par jessi vendudis, platadis dentri di une stue a pellet. A son stâts cun di plui cjatâts ancje trê belancins di precision, materiâl doprât par preparâ lis dosis e 17 mil euros in contants, probabil vuadagn de vendite de droghe. (a.d.g.) – 11.12.2023