I Carabinîrs de Stazion di San Vît dal Tiliment a àn denunziât mari e fie, di 60 e 25 agns, in maniere rispetive par robarie e ricetazion. La lôr vitime e je une anziane de zone, che e veve impleât ogni tant la femine di 60 agns tant che colaboradore domestiche.
Lis investigazions a jerin scomençadis dopo che la pensionade e veve denunziât la sparizion di variis zoiis di aur, tignudis intun mobil in cjase. Cuant che i Carabinîrs si jerin puartâts inte abitazion de anziane pal sorelûc a vevin verificât che no jerin segns di efrazion. Insospetîts di chest particolâr, a vevin strent il cercli su lis personis che a frecuentavin l’apartament de anziane.
I Carabinîrs fasint investigazions intai “Compro oro” a àn cjatât e secuestrât lis zoiis robadis, identificant la persone che ju veve consegnâts, la fie de colaboradore domestiche. (ADG) – 8.11.2022
