102
Il P.I.C., Progetto Integrato Cultura dal Friûl di Mieç, al à comunicât che, par vie dal brut timp che tra lunis di sere e martars di matine al à flagjelât i Comuns dal Friûl di Mieç cun grancj dams e la inagjibilitât, par cumò, da lis sedis di conciert, i apontaments di cheste setemane dal festival “Musica in Villa” a son sospindûts. Intal detai, a jerin previodûts joibe ai 27 a Listize il spetacul “Qui tra cielo e monte”, il dì dopo a Cjamin di Codroip il conciert dal grup vocâl Morus Alba e domenie ai 30 a Merêt di Tombe chel dai Flk. Intai dîs che a vegnin a saran notiziis sui concierts in calendari e i eventuâi recupars. (A.I.) – 25.07.2023
