Cinc agns di reclusion, interdizion perpetue dai uficis publics e estinzion dal rapuart di lavôr cu la aministrazion publiche. E je la pene rifilade in prin grât dal Tribunâl di Udin al inzegnîr di 64 agns, ex alt funzionari ministeriâl, acusât di coruzion intal ambit de inchieste che, intal 2016, e veve cjapât la Pilosio Spa di Tavagnà. Il ministeri public Marco Panzeri al veve domandât sîs agns di preson.
Tra il 2013 e il 2016 il professionist al veve cjapât de societât furlane plui di 25 mil euros in contants par acelerâ lis autorizazions pe comercializazion di cualchi armadure, ancje cambiant di scuindon documents za deponûts al Ministeri. I bêçs a son stâts cjapâts in diviers episodis, ma i judiçs ju àn calcolâts tant che un sôl episodi di coruzion. (A.D.G.) – 11.01.2023
Condanât ex funzionari dal ministeri pe vicende Pilosio
164
