76
Il judiç Emanuele Lazzaro dal Tribunâl di Udin al à condanât vuê Fabio Raidik, 55 agns di Trasaghis, e Nazario Raidik, 49 agns di Davâr, il prin a un an e mieç e il secont a un an e trê mês, pal reât di fraude, ordenant ancje un risarciment di 26 mil euros.
I doi a vevin convinçût un om di 47 agns di Codroip a dâi 24 mil euros cu la scuse di curâ la femine di un dai doi che e jere une vore malade, cu la promesse di tornâ indaûr i bêçs a pene cjapât un risarciment.
La femine e je muarte doi agns dopo. I doi fraudadôrs a vevin contât ae vitime che par cjapâ i bêçs dal risarciment a vevin di paiâ debits a Equitalia e par fâ colâ intal tramai la vitime le vevin fate clamâ di un avocat fint. (a.d.g.) – 19.02.2025
