45
La Cort di assise di Vignesie e à confermât la condane a 16 agns di preson par Paolo Calligaris decidude dal Judiç de udience preliminâr di Udin tal 2019. Calligaris al jere stât considerât colpevul di vê copât la compagne cun trê colps di pistole a Manzan te sere dai 11 di Novembar dal 2008. La sentence di apel (ter) e je stade lete îr di sere aes 7 dal president de Cort Carlo Citterio.
La decision e je rivade ae fin di une lungje cjamare di consei lade indenant par cuasi 10 oris, tacant des 9 di matine.
Dopo de leture de sentence la mari e la sûr di Tatiana si son imbraçadis, emozionadis in mût clâr par une decision che a speravin e sarès rivade. (a.d.g.) – 27.03.2025
