La Polizie di Stât, sabide ai 7 di Otubar, e à fat un altri servizi di control dilunc de strade provinciâl SP 1 Verzegnis-Sele Cjançutan, famose par jessi passade a alte velocitât di motocicliscj che a cirin emozions fuartis, cuant che invezit e larès passade cun grande atenzion e rispietant i limits di velocitât, viodude la sô pericolositât e il fat che si verifichin tancj incidents.
In maniere fortunade, però, la ativitât di prevenzion de Polizie di Stât e à dât bon risultâts viodût che, cundut dai tancj controi, no son stadis rilevadis infrazions al Codiç de Strade. A son stâts di fat controlâts plui di 20 veicui, che in ogni câs no vevin cometût violazions.
Lis personis controladis, une vore di lôr dal puest, cussients dal pericul de strade, a àn preseât tant la ativitât di control e prevenzion: tancj di lôr, dilunc dai controi a àn graciât pal servizi fat.
Fintremai cierts automobiliscj si son fermâts in maniere spontanie propit par formulâ il lôr preseament ai poliziots impegnâts intai controi. (a.d.g.) – 09.10.23
