51
La Vuardie di finance di Udin e à secuestrât cuasi 130 chilos di mariuane dilunc dai controi fats li dal casel de autostrade a Ugovize, tal comun di Malborghet e Valbrune.
La droghe e je stade cjatade platade dentri di un furgon che al rivave de Europe dal est cun targhe de Republiche Ceche. A nasâ il caric al è stât il cjan antidroghe Krizia, che al à scuviert il caric fat di 122 confezions sieradis sot vueit, di vendi sul marcjât european. L’autist dal furgon, un om di 43 agns e la femine di 42 agns che e jere cun lui, a son stâts blocâts.
Lis investigazions sul viaç de droghe ae volte de France, che sul marcjât e vâl fin a 1,5 milions di euros, a van indenant. (a.d.g.) – 01.10.2024
