I agjents de Vuardie di finance di Spilimberc a àn scuviert intun vignâl di Midune cuatri lavoradôrs in neri, ducj indians.
I agjents a jerin impegnâts a fâ controi sul teritori, e tal particolâr sui zornadîrs a vore pe cuince des plantis.
La assunzion dai cuatri lavoradôrs no jere stade comunicade prime che a lassin in vore al Centri pal implei. Doi di lôr, par di plui, si cjatavin sul teritori talian cence podê lavorâ.
Al datôr di lavôr, ancje lui indian, a son stadis contestadis sanzions fintremai a 35 mil euros e e je stade domandade al centri pal implei ancje la sospension de ativitât.
E je une plaie, chê dal lavôr in neri, che no si rive a vuarî ancje te nestre regjon, cun dut des normis une vore duris che a son: dal principi dal an in ca, dome lis Flamis zalis dal Friûl Ocidentâl a àn scuviert 35 lavoradôrs in neri e trê iregolârs; 23 i datôrs di lavôr che a àn cjapât multis e 8 lis propuestis di sospension de ativitât. (a.d.g.) – 24.02.2025
