23
Une cubie di escursioniscj di Verone e je stade salvade îr di sere su lis Prealps Juliis a mil metris di cuote dopo che a vevin pierdût dal dut l’orientament dilunc di une cjaminade dopo jessi partîts di Montmaiôr. I doi, om e femine, di 37 agns, a vevin cjapât la cueste sbaliade, e a jerin lâts lontan di ducj i trois.
La clamade par domandâ jutori e je stade fate tor lis cuatri dopomisdì. I oms dal Socors alpin a son rivâts li dai doi escursioniscj a pît, vuidâts dal cjamp base in graciis dal sisteme di segnadure. L’intervent al è finît tor dîs sore sere, cuant che la cubie e jere al sigûr. (a.d.g.) – 11.11.2024
