Cubie di Majan e gjestive un siôr spaç di cocaine

Arestade une cubie furlane che e gjestive un zîr di spaç di cocaine. I Carabinîrs de Sezion Operative di Udin e de Stazion di Maian a àn fat la misure cautelâr dal arest in preson, decidude dal Gip di Udin, cuintri i doi coniugâts di 55 agns, residents a Maian.
I militârs, coordenâts de Procure di Udin, a àn monitorât la cubie intal periodi di Avrîl a Lui 2022. Gracie ancje aes testemoneancis dai acuirents, i doi intai ultins agns a varessin gjestît un volum di afârs di plui o mancul 10.000 euros in graciis di almancul 130 venditis di cocaine, cun dosis dal pês variabil tra 0,5 e 5 grams, par un totâl di plui di doi etos.
Ai 14 di Jugn, i doi coniugâts a jerin stâts arestâts in flagrance cuant che i Carabinîrs, intant di une percuisizion, a vevin cjatât inte lôr abitazion 12 grams di cocaine, dividude in 14 dosis, e 3.710 euros, otignûts de vendite dal stupefacent. I doi a son stâts compagnâts lui inte Cjase Circondariâl di Udin e je di Triest, a disposizion de autoritât judiziarie. (ADG) – 15.09.2022